Carita Pondok Gunung Lingga (Sumpah nu Ngawujud)
Carita Pondok Gunung Lingga (Sumpah nu Ngawujud) Karya: Uyun, S.Pd.I. Di hiji lembur nu ayana di Désa Pasirlangu, Kacamatan Pakenjeng, aya hiji gunung anu kawentar ku sajarah jeung mitosna, nyaéta Gunung Lingga. Ceuk carita karuhun, Gunung Lingga téh sanés gunung biasa. Dina peuting anu jempling, mun bulan keur nembrak, puncak Gunung Lingga sok katingali siga nu hayang ngajul bentang nu pating kariceup di langit. "Ulah wani-wani ngaganggu katengtreman gunung," ceuk kolot baheula di Pasirlangu. "Sabab mun éta gunung laksana ngajul bentang, bakal kajadian hiji musibah anu pohara gedéna: anak ngawin indungna sorangan." Warga lembur geus biasa ngadéngé éta ramalan. Éta téh simbol yén sagala rupana di dunya geus boga watesna. Tapi, aya hiji mangsa, saurang nonoman ti kota nu panasaran ku éta mitos, datang ka suku Gunung Lingga. Manéhna rék ngabuktikeun yén éta téh ngan saukur dongéng kolot nu euweuh dasarna. Dina hiji peuting, pas bulan keur sampurna buleudna, éta nono...
